Xäzär diñğezendä tözeläçäq dönyanıñ iñ bieq qüqtişäre 1050 metr ozınlıqta, 186 qatlı bulaçaq

(İstanbul, 31 ğıynvar, "Tatar-inform", Ruşaniya Altay). 1050 metr bieqleqqä suzılğan bu qüqtişär Azärbaycan başqalası Baquğa 25 qilometr yaqınlıqtağı ber urında, Xäzär diñğezendä urın alaçaq. Anıñ tözeleşenä 2013 elda başlanır dip qötelä. "Xäzär utravı" dip atalaçaq yasalma utrau proeqtında biş yoldızlı qunaqxanälär, qıymmätle rezidençiyalär, ğolf mäydannarı bar. Şulay uq qonçert, tamaşa zalları da urın alaçaq. Dönyadağı başqa qüqtişärlärdän aermalı bularaq, biredä xätta ippodrom tözü qaralğan. 186 qatlı buluı planlaştırılğan bina 2019- 2020 ellarda tözelep betäçäq. Azärbaycan arxiteqtura häm tözeleşe qomitetı citäqçese D.Dovletxanov äytüençä, "Xäzär utravı" proeqtı öçen dönyaça tanılğan arxiteqtorlar belän söyläşülär alıp barılğan häm aralarınnnan berse belän qileşü tözelğän. Äleğä iseme açıqlanmağan bu arxiteqtornıñ sulıqlar buenda däü proeqtlarnı tormışqa aşıruda zur täcribäğä iya buluı bilğele. Mäğlüm bulğança, büğenğe qöndä cihannıñ iñ bieq qüqtişäre, 828 metr ozınlıqtağı "Burc-Xälifä" - ğaräp tufraqlarında. "Xäzär utravı" Dubaidağı äleğe binadan 222 metrğa bieğräq bulaçaq. Xäzerğe çorda Soğud Ğaräpstanınıñ Cäddä şähärendä 1000 metr ozınlıqta buluı planlaştırılğan "Qorolleq manarası" tözelep yata. Ul 2014 elda eqspluataçiyağä qeräçäq. Azärbaycannıñ "Xäzär utravı" qüqtişäre isä ozınlıqta xätta bu binanı da uzıp qitäçäq.